|
Եղանակի տեսությունը  |
Ստեփանակերտում հերթական անգամ մեծ շուքով նշվել է Բերքի տոնը
15/10/2018
Գյուղատնտեսական տարվա գլխավոր ստուգատեսին մայրաքաղաքի Վերածննդի հրապարակը վերածվում է հսկայական տոնավաճառի, որն ուղեկցվում է բոլոր շրջանների կողմից մատուցվող մշակութային միջոցառումներով: Բերքի տոնը, նրանում ներկայացված բերքն ու բարիքը, հողի աշխատավորին ու Արցախ աշխարհն է օրհնել ՀԱԵ Արցախի թեմի առաջնորդ Պարգև արքեպիսկոպոս Մարտիրոսյանը:
Ինչպես ամեն տարի, մի շարք անվանակարգերով տրվել են մրցանակներ. լավագույն վերամշակող է ճանաչվել «Տրիումֆ գրուպ» ՍՊԸ-ն, լավագույն մշակութային ներկայացման համար մրցանակը բաժին է հասել Շուշիի շրջանին, լավագույն շրջան է ճանաչվել Քաշաթաղի շրջանը, լավագույն գործընկեր՝ «Իջևանի գինու գործարան» ՓԲԸ-ն: Ամենամատչելի գների համար մրցանակների են արժանացել Ասկերան, Մարտակերտի շրջանի Վարդաձոր և Մարտունու շրջանի Բերդաշեն համայնքները ներկայացնող տաղավարները: Նախարար Ժիրայր Միրզոյանի որոշմամբ ստեղծված նոր՝ «Օրինակելի համայնք» անվանակարգում հաղթող է ճանաչվել Հադրութի շրջանի Խծաբերդ համայնքը, որն առանձնացել է կոկիկությամբ, մաքրությամբ և սպասարկման բարձր մշակույթով:
|
