Հանրապետության ցանքատարածություններում այսօրվա դրությամբ ընթացքի մեջ է եգիպտացորենի բերքահավաքը: Հնձի աշխատանքներն արդեն կիսվել են. անջրդի տարածքներում բերքատվությունը հեկտարից կազմում է 40-45ց, իսկ ջրարբի ցանքատարածություններում այն գերազանցում է 70 ց-ի սահմանը: "Արդյունքները գոհացուցիչ են, եթե հաշվի առնենք այս տարվա կարկտի հասցրած վնասները",- ընդգծում է Արցախի գյուղոլորտի պատասխանատուն: Արամ Մխոյանն այսօր Ասկերանի շրջանի Իվանյանի համայնքապատկան հողատարածքներում հետևել է եգիպտացորենի բերքահավաքի աշխատանքներին:

Արցախում գտնվող ՀՀ վարչապետ Կարեն Կարապետյանն Արայիկ Հարությունյանի ուղեկցությամբ, այսօր այցելել է Ասկերանի և Մարտունու շրջաններ, տեղում ծանոթացել գյուղատնտեսական հաջողություններին: Դրանք՝ տեղի հողագործները արձանագրում են ժամանակակից տեխնոլոգիաներն օգտագործելով՝ իհարկե, հաշվի առնելով տարածքի բնակլիմայական առանձահատկությունները:

Տարիներ առաջ անհավատալի էր թվում, արցախյան իրականության հետ չկապված: Սակայն նախաձեռնությունը հաջողությամբ դիմացավ ժամանակի փորձությանը: Եվ յուղատու մշակաբույսերի ցանքսերը տարեցտարի ընդլայնվում են մեր երկրում: Այս տարի դրանց ընդհանուր ծավալը 2,5 անգամ աճել է 2016-ի համեմատ: Որո՞նք են ժողովրդականացման նման տեմպերի պատճառները: Ինչու՞ են դրանում շահագրգռված և պետությունը, և հողագործը, և սպառողը: Հարցերի պատասխանները՝ տեսանյութում: