Նախարար Անդրանիկ Խաչատրյանն ընդունել է ԳԴՀ Հեսսենի երկրամասում ՀՀ պատվավոր հյուպատոս Բրայան Ֆերանին ու հայտնի գործարար Վերներ Հարթմանին
20/05/2013

Մայիսի 20-ին նախարար Անդրանիկ Խաչատրյանն ընդունել է Գերմանիայի Դաշնային Հանրապետության Հեսսենի երկրամասում ՀՀ պատվավոր հյուպատոս Բրայան Ֆերանին և նույն երկրամասի հայտնի գործարար Վերներ Հարթմանին:
Անդրանիկ Խաչատրյանը ողջունել է հյուրերին, կարևորելով գերմանացի գործարարների` Արցախի գյուղատնտեսությունում ներդրումներ կատարելու պատրաստակամությունը:
«Ղարաբաղում առկա են բնակլիմայական բարենպաստ պայմաններ ու ջրային լայն պաշարներ, իսկ մեր գյուղատնտեսությունն ունի չօգտագործված մեծ ներուժ: Մենք ուրախ կլինենք գերմանացի այլ ներդրողների ևս ընդգրկելու այդ գործընթացներում»,- նշել է նախարարը: