Այս տարվանից առաջին անգամ Արցախի Հանրապետությունում պաշտոնապես նշվում է բույսերի առողջության պաշտպանի օրը:

Բույսերի առողջության պաշտպանումը կարևորագույն նշանակություն ունի կայուն գյուղատնտեսության և պարենային համակարգերի զարգացման համար: Այն կարող է նպաստել սովի վերացմանը, նվազեցնել աղքատությունը,

պահպանել շրջակա միջավայրը և խթանել տնտեսական զարգացումը:

Ցավոք, կլիմայական փոփոխությունները և մի շարք այլ գործոններ հանգեցրել են բույսերի վնասատուների բազմացման համար բարենպաստ պայմանների առաջացմանը։

Հետևաբար, այսօր, ավելի քան, երբևէ, կարևոր է բույսերի վնասատուների և հիվանդությունների կանխարգելման, դրանց դեմ պայքարի արդյունավետ միջոցների կիրառման համակարգերի ներդրումը, ինչն էլ մեծ պատասխանատվությամբ իրականացվում է ձեր կողմից:

Շնորհավորում եմ ձեզ մասնագիտական տոնի առթիվ և հերթական անգամ կարևորում այն բարձր դերն ու առաքելությունը, որը դուք եք իրականացնում բույսերի առողջության պաշտպանության բնագավառում:

Աստծո կամոք թող ձեր գործունեությունն ամփոփվի Արցախում առատ բերք ու բարիքի ստացմամբ: