Խստացված վերահսկողություն նախատոնական և հետտոնական օրերի | Արցախի հանրապետությն գյուղատնտեսության նախարարություն

Ежедневный прогноз погоды
Индексы вспашки и посева
Сбор урожая

Խստացված վերահսկողություն նախատոնական և հետտոնական օրերի
17/01/2022

Հաշվի առնելով այն փաստը, որ Նոր տարվա նախօրյակին պարենային և ոչ պարենային ապրանքների շուկայում առևտրի ծավալներն ու դրանով պայմանավորված ռիսկերն աճը, ԱՀ ԷԳՆ ՍԱՇՍՇՊ պետական ծառայության կողմից ձևավորվել են մասնագետ-տեսուչների աշխատանքային խմբեր, որոնք 2022 թվականի հունվարի 1-ից մինչև 2022 թվականի հունվարի 14-ը ներառյալ հանրապետության պարենային և ոչ պարենային ապրանքների իրացմամբ զբաղվող տնտեսավարող սուբյեկտների մոտ իրականացրել են ուժեղացված ռեժիմով վերահսկողություն:

Վերահսկողության ընթացքում ուսումնասիրվել է իրացվող սննդամթերքի պիտանելիության ժամկետի և պահպանման պայմանների պահանջների համապատասխանությունը: Զուգահեռաբար իրականացվել են նաև տնտեսավարող սուբյեկտների կողմից իրացվող բուսական ծագում ունեցող սննդամթերքում մնացորդային նիտրատների չափման աշխատանքներ: Այդ օրերին ստուգվել է պարենային և ոչ պարենային շուկայում թվով 271 տնտեսավարող սուբյեկտներ:

Կատարված վերահսկողական աշխատանքների ընթացքում իրականացվել են միրգ-բանջարեղենում առկա նիտրատների առավելագույն մնացորդային քանակների չափումներ և հայտնաբերվել ժամկետանց ապրանքներ: Չափումներից պարզ է դարձել, որ միրգ-բանջարեղենում նիտրատների քանակը համապատասխանում է կառավարության կողմից սահմանված նորմերին: Ընդամենը կատարվել է 4930 կգ միրգ-բանջարեղեն, որից կարտոֆիլ՝ 1150 կգ, լոլիկ՝ 810 կգ, վարունգ՝ 850 կգ, սոխ՝ 550 կգ, խաղող՝ 310 կգ, խնձոր`560 և կաղամբ` 700:

Հայտնաբերվել և տնտեսավարողների համաձայնությամբ տեղում ոչնչացվել են հետևյալ ժամկետանց ապրանքատեսակները. մսամթերք` 15.160 կգ, կաթնամթերք` 4.300 կգ, հյութեր` 28.830 լ, քաղցրավենիք` 2.430 կգ, այլ ապրանքներ՝ 2.450 կգ: