С осени стартует программа развития плодоводства в Арцахе
09/09/2016
Արցախի գյուղատնտեսության նախարարության քաղաքականության կարևորագույն ուղղություններից մեկը հանրապետությունում պտղաբուծության զարգացմանը նոր զարկ տալն է:
Հատկանշական է, որ պտղաբուծության զարգացման համար հողօգտագործողներին խորհուրդ է տրվում ձեռք բերել տեղական արտադրության տնկիներ, քանի որ դրանք հարմարված են մեր բնակլիմայական պայմաններին, բացի այդ այդպիսով խուսափում ենք այնպիսի խնդիրներից, ինպես երկարատև տեղափոխման արդյունքում տնկիի կպչողականության նվազում և սանիտարական և կարանտին միջոցառումներ:
ԼՂՀ-ում այսօր առկա են մի քանի խոշոր տնկարանային տնտեսություններ, որոնք զբաղվում են Արցախի համար ավանդական և ոչ ավանդական ծառերի տնկիների աճեցմամբ, այդ թվում՝ նուռ, պոպոկ, պնդուկ, խնձոր, տանձ, կեռաս, արևելյան խուրմա, թուզ, ինչպես նաև կիվի, արևադարձային և ցիտրուսային ծառատեսակներ: Տնկիները նախատեսվում է մատչելի պայմաններով տրամադրել հանրապետության հողօգտագործողներին՝ այդուհանդերձ նպաստելով հայրենական պտղարտադրության զարգացմանը:
Այս նպատակով Արցախի գյուղատնտեսության նախարարությունը հանրապետությունում տնկարանային տնտեսություն վարող անհատներին պատվիրել է տնկիներ ու ձեռք բերել պայմանավորվածություն, համաձայն որի պտղաբուծության զարգացման ծրագրի շրջանակներում տնկիները կտրամադրվեն այն հողօգտագործողներին, որոնք պատրաստ են պտղատու այգիներ հիմնել՝ կիրառելով նորագույն տեխնոլոգիաներ և ոռոգման ժամանակակից համակարգեր, մասնավորապես, կաթիլային ոռոգման համակարգը:
Նշենք նաև, որ Գյուղատնտեսության նախարարության մասնագետները՝ Նախարարի գլխավորությամբ, պատրաստ են մասնագիտական խորհրդատվություն ցուցաբերել պտղատու այգիներ հիմնել ցանկացողներին, աջակցել ցանկացած խնդրի լուծման հարցում:
