ԱՀ ԷԳՆ սննդամթերքի անվտանգության, շուկայի և սպառողների շահերի պաշտպանության պետական ծառայության կատարած աշխատանքների մասին
16/09/2021
ԱՀ ԷԳՆ սննդամթերքի անվտանգության, շուկայի և սպառողների շահերի պաշտպանության պետական ծառայության կողմից սույն թվականի սեպտեմբերի 1-15-ը հանրապետության տարածքում ստուգումներ են անցկացվել թվով 3 տնտեսավարող սուբյեկտների մոտ, որոնց արդյունքում խախտումներ չեն արձանագրվել:
Նշված ժամանակահատվածում դիտարկումներ են իրականացվել թվով 20 տնտեսավարող սուբյեկտների մոտ, որոնց արդյունքում սննդի շղթայում ներգրավված անձանց՝ ԱՀ օրենսդրությամբ ներկայացվող պահանջների համապատասխանության խախտումներ են արձանագրվել թվով 5 տնտեսավարող սուբյեկտների մոտ: Խախտում թույլ տված տնտեսավարող սուբյեկտներին տրվել են հանձնարաններ և սահմանվել ժամկետներ՝ դրանք վերացնելու ուղղությամբ:
Կատարվել են թվով 4 ուսումնամեթոդական շրջայցեր՝ 41 տնտեսավարող սուբյեկտների մոտ, ինչպես նաև թվով 1 ուսումնամեթոդական շրջայց Արցախի Հանրապետության մայրաքաղաքի նախադպրոցական ուսումնական հաստատություններում:
Իրականացվել են միրգ-բանջարեղենում առկա նիտրատների առավելագույն մնացորդային քանակների չափումներ և հայտնաբերվել ժամկետանց ապրանքներ: Կատարված չափումներից պարզ է դարձել, որ միրգ-բանջարեղենում նիտրատների քանակները համապատասխանում են կառավարության կողմից սահմանված նորմերին: Ընդամենը կատարվել է 3390 կգ միրգ-բանջարեղենում նիտրատների առավելագույն մնացորդային քանակների չափումներ, որից կարտոֆիլ՝ 450 կգ, լոլիկ՝ 365 կգ, վարունգ՝ 215 կգ, ձմերուկ՝ 1530 կգ, սեխ՝ 420 կգ, խաղող՝ 410 կգ, իսկ վերահսկողության արդյունքում հայտնաբերված ժամկետանց ապրանքատեսակները կազմում են, ընդամենը, 97.018 կգ, որից մսամթերք՝ 23.698 կգ, այլ ապրանքատեսակներ՝ 73.320 կգ:
Ժամկետանց ապրանքատեսակները տնտեսավարող սուբյեկտների ներկայությամբ և համաձայնությամբ վերացվել են տեղում:
