Գյուղատնտեսության նախարարության կողմից իրականացվող ծրագրերից մեկը`«Անասնաբուծության կանոնակարգում և արոտավայրերի կառավարում» ծրագիրն է: Դրա շահառուներից է նաև Մարտունու շրջանի Զարդանաշենի համայնքը: Օրերս, իրականցվող աշխատանքներին գյուղատնտեսության նախարարության անասնաբուծության և անասնաբուժության բաժնի պետ Նորայր Մուսայելյանի հետ հետևել են մեր գործընկերները:

Վերջին տարիներին խոզաբուծության թեման բազմիցս քննարկվել է: Ոլորտը բավական ռիսկային վիճակում է հայտնվել: Սակայն դրանից ճյուղի գրավչությունը չնվազեց: Ռիսկային լինելով հանդերձ՝ այն շարունակում է համարվել անասնաբուծության շահութաբեր ուղղություններից մեկը: Արցախում վերջին տարիներին աճի միտումն ակնհայտ է: Պատասխանատուները քայլեր են նախաձեռնում այն պահպանելու և նոր կորուստներց ապահովագրելու համար: Չնայած, մտավախություն էլ կա, որ իրենց ձեռնարկած քայլերից ոչ բոլորը գոհ կմնան: