Իրականացվել է ջրային համակարգերի կառուցման և վերականգնման ընթացքի դիտարկում
05/11/2019
Նոյեմբերի 4-ին ԱՀ գյուղատնտեսության նախարար Ժիրայր Միրզոյանը, ուղեկցությամբ նախարարի տեղակալ Համլետ Ապրեսյանի և նախարարի խորհրդական Միքայել Սողոմոնյանի, այցելել է Մարտունու շրջան, որտեղ իրականացվել է ջրային համակարգերի դիտարկում: Նախ իրականացվել է Ալիբալիի տարածքում գտնվող՝ չգործող երկու ջրավազանների (4000 տ և 1000 տարողությամբ) դիտարկում, որոնք նախատեսվում է վերանորոգել ու վերակառուցել, ինչից հետո շրջակա տարածքում կհիմնադրվեն նոր այգիներ: Այնուհետև նախարարն այցելեց Ճարտարի տարածքում ընթացող երկու խորքային հորերի 
կառուցման տեղամասեր, որտեղ նախատեսվում է ոռոգովի դարձնել ավելի քան 80 հա այգեգործական նշանակության տարածք:
Բերդաշեն համայնքի տարածքում դիտարկվեց ընթացքի մեջ գտնվող՝ 500 տ տարողությամբ ջրամբարի ջրացանցի և համապատասխան ենթակառուցվածքների շինարարության ընթացքը: Այստեղ էլ նախատեսվում է ոռոգովի դարձնել շուրջ 60 հա այգեգործական նշանակության տարածք:
Այցի ընթացքում նախարարին ուղեկցում էին Ճարտար և Բերդաշեն համայնքների ղեկավարներ Վլադիկ Հովհաննիսյանն ու Մխիթար Սարգսյանը:
