ԴԻՏԱՐԿՈՒՄ
19/09/2015
Օրերս ԼՂՀ գյուղատնտեսության նախարարության անասնաբուծության և անասնաբուժության վարչության պետ Նորայր Մուսայելյանն ու «Տոհմային կայան» ՓԲԸ տնօրեն Գեորգի Լալայանը «Տեղական նախրի բարելավման» ծրագրի շրջանակներում Քաշաթաղի շրջանում իրականացրին արտոնյալ պայմաններով տրամադրված տոհմային ցուլերի և դրանցից ծնված խառնածինների դիտարկում:Մասնավորապես, ոլորտի պատասխանատուներն այցելեցին Քաշաթաղի շրջանի մի շարք համայնքներ, որոնց տրամադրվել էին տոհմային ցուլեր, և որոնցից արդեն ծնվել են բարելավված սերունդներ: Ըստ Նորայր Մուսայելյանի՝ վերարտադրված սերունդն աչքի է ընկնում ավելի բարձր մթերատու հատկանիշներով:
-Սա հաջողված և բնակչության կողմից պահանջարկ վայելող ծրագիր է, որը շարունակական բնույթ կկրի,-նշեց նա:
Վերջում դիտարկման մասնակիցները Քաշաթաղի շրջանային անասնաբուժական սպասարկման կայանում ընդհանրացրին դիտարկման արդյունքները: Ըստ Ն. Մուսայելյանի՝ դրանք հուսադրող են, ավելին՝ պետության կողմից իրականացվող այս հեռանկարային ծրագիրն արդեն տալիս է իր պտուղները:
