ԴԵՂԵՐԻ ՇՆՈՐՀԱՆԴԵՍ ԼՂՀ ԳՅՈՒՂՆԱԽԱՐԱՐՈՒԹՅՈՒՆՈՒՄ
12/05/2015
Մայիսի 12-ին ԼՂՀ գյուղատնտեսության նախարարության նիստերի դահլիճում տեղի ունեցավ անասնաբուժական դեղորայքի և սննդային հավելումների շնորհանդես, որը կազմակերպվել էր հոլանդական INTERCHEMIE ֆիրմայի հայաստանյան ներկայացուցիչ «Վետմարկետ» ընկերության կողմից: Ներկայացվեց հակաբիոտիկների, վիտամինների, ամինաթթուների և ախտահանիչների լայն տեսականի (ավելի քան չորս տասնյակ):
Ինչպես նշեց «Վետմարկետի» տնօրեն Աննա Ուլիբեկյանը, արդեն վեցերորդ տարին է, ինչ անասնադեղորայքի շուկայում իրենք առաջարկում են դեղերի լայն տեսականի, ինչի արդյունքում ներկայացվող դեղերի տեսականին լայն կիրառություն է ստանում սպառողների մոտ: «Եվ սա ոչ միայն այն պատճառով, որ դրանք շուկայում նոր են ու արդյունավետ, այլ, նաև, բավականին մատչելի են, հետևաբար և՝ տնտեսապես նպատակահարմար,- նշեց Ա. Ուլիբեկյանը»:
Հավելենք նաև, որ միջոցառման ավարտից հետո կազմակերպվեց յուրօրինակ ցուցահանդես- վաճառք, որի արդյունքում հանրապետության շրջանները ներկայացնող անասնաբույժերը ձեռք բերեցին դեղորայքի իրենց անհրաժեշտ չափաքանակը:
