ԳԱՐՆԱՆԱՑԱՆ ՄԻ ՇԱՐՔ ՄՇԱԿԱԲՈՒՅԵՐԻ ՄՇԱԿՈՒԹՅԱՆՆ ԱՋԱԿՑՈՒԹՅՈՒՆ ԿՑՈՒՑԱԲԵՐՎԻ
05/03/2016
![DSCN3431[1]](http://minagro.nkr.am/wp-content/uploads/DSCN34311-300x225.jpg)
Այսօր Արցախի գյուղատնտեսության նախարար Արամ Մխոյանը հրավիրել էր սեմինար-խորհրդակցություն, որին հրավիրված էին հանրապետության տարբեր շրջաններ ներկայացնող ավելի քան երեք տասնյակ հողօգտագործողներ: Քննարկման թեման գարնանացան որոշ մշակաբույսերի (արևածաղիկ, սորգո, հնդկաձավար և այլն) մշակության առանձնահատկություններն էին, ինչպես նաև համագործակցության խորացման մեխանիզմների մշակումն ու հստակեցումը:
Հողօգտագործողների հետ իր հարուստ փորձով կիսվեց տարածաշրջանի ամենափորձառու և խոշոր հողօգտագործողներից մեկը՝ Նորայր Ստեփանյանը, ով ներկայացրեց քննարկվող խնդիրների վերաբերյալ իր նկատառումները և տվեց անհրաժեշտ խորհուրդներ:
Փոխնախարար Կարեն Աղաջանյանն անդրադարձավ մշակության տեխնոլոգիաներին ու ագրոժամկետներին:
![DSCN3436[1]](http://minagro.nkr.am/wp-content/uploads/DSCN34361-300x225.jpg)
Նախարար Արամ Մխոյանը նշեց, որ բարձր բերք ակնկալելու համար անհրաժեշտ է խստորեն պահպանել բոլոր ագրոկանոններն ու ագրոժամկետները: Հիշյալ կուլտուրաների մշակության համար հողօգտագործողներին կտրամադրվեն բարձրորակ սերմեր և ազոտական ու ֆոսֆորական պարարտանյութեր: Աջակցություն կցուցաբերվի նաև բանջարեղենի մշակությամբ զբաղվողներին (սոխ, լոլիկ, բիբար և սմբուկ): Ծխախոտի մշակությամբ զբաղվողները ևս աջակցություն կստանան:
Արամ Մխոյանը նաև հատուկ կարևորեց ցանքաշրջանառության իրականացման անհրաժեշտությունը, հողի մեջ հիմնական սննդատարրերի (ազոտական, ֆոսֆորական և կալիումական) չափաբաժինների պահպանման անհրաժեշտությունը, օրգանական պարարտանյութերով (գոմաղբ) միկրո և մակրոէլեմենտների վերականգնումը:
![DSCN3431[1]](http://minagro.nkr.am/wp-content/uploads/DSCN34311.jpg)
![DSCN3436[1]](http://minagro.nkr.am/wp-content/uploads/DSCN34361.jpg)
