Աշոտ Բախշիյանը Շուշիի տեխնոլոգիական համալսարանի գիտական ակտիվին է ներկայացրել գյուղոլորտում աջակցության ծրագրերի փաթեթը
20/08/2020
Օգոստոսի 20-ին Արցախի Հանրապետության գյուղատնտեսության նախարար Աշոտ Բախշիյանը, ուղեկցությամբ նախարարի տեղակալ Ջիվան Հայրապետյանի, այցելել է Շուշիի տեխնոլոգիական համալսարան, որտեղ ԲՈՒՀ-ի գիտական ակտիվի հետ հանդիպման ընթացքում ներկայացրել է գյուղոլորտում աջակցության ծրագրերի փաթեթը: Աշոտ Բախշիյանը մանրակրկիտ անդրադարձ է կատարել բուսաբուծության, անասնաբուծության ոլորտներում և ոռոգման համակարգում իրականացվելիք ծրագրերին՝ պատասխանելով առաջադրված շուրջ երկու տասնյակ 
հարցերին, որոնց ընթացքում պարզաբանել է նաև ծրագրերի իրագործման մեթոդաբանությունն ու գործիքակազմը:
Գյուղատնտեսության ոլորտում հեղափոխական բարեփոխումների կոչված ծրագրերի փաթեթի վերաբերյալ իրենց կարծիքներն են արտահայտել ԲՈՒՀ-ի պրոռեկտորներ Սարիբեկ Գալստյանը, Ռոբերտ Հարությունյանը, դասախոս Կարեն Ներսիսյանը և ուրիշներ:
Եզրափակիչ ելույթով հանդես է եկել ուսումնական հաստատության ռեկտոր Հովհաննես Թոքմաջյանը՝ անդրադառնալով ներկայացված փաթեթի առավելություններին և գյուղոլորտի հետագա զարգացման հեռանկարներին:
