2018 թվականի բերքի տակ հերկի և ցանքսի ընթացիկ արդյունքներն առավել քան գոհացուցիչ են
29/12/2017
2017 թվականի աշնանացանի արդյունքները գոհացուցիչ են: Վստահությամբ կարելի է փաստել, որ ընթացիկ տարվա բարենպաստ եղանակային պայմաններն ու հողօգտագործողների առավել պարտաճանաչ ու պատասխանատու մոտեցումն՝ ագրոկանոններին համապատասխան գյուղատնտեսության վարման խնդրին, իրենց դրական ազդեցությունն են թողել գրանցված արդյունքների վրա:
Ըստ նախարարությունում գրանցված օպերատիվ տվյալների՝ 2017 թվականանի դեկտեմբերի 29-ի դրությամբ Արցախի հանրապետությունում կատարված հերկի արդյունքներն էապես գերազանցում են նախորդ տարվա նույն ժամանակահատվածի ցուցանիշները: Այսպես, հանրապետության շրջաններում գրանցվել են հետևյալ արդյունքները. Ասկերան՝ 13272.0, Հադրութ՝ 17500.0, Մարտակերտ՝ 6988.5, Մարտունի՝ 16823.4, Շահումյան՝ 145.0, Շուշի՝ 158.0, Քաշաթաղ՝ 22280.0 հեկտար՝ նախորդ տարվա, համապատասխանաբար, 12495.0, 9820.0, 5023.5, 14588.2, 110.0, 129.0, 17271.0 հեկտարի դիմաց: Հերկի ընդհանուր ցանքատարածքը կազմել է 77166.9 հա նախորդ տարվա նույն ժամանակահատվածի՝ 59436.7 հա դիմաց:
Ցանքսի ցուցանիշները հետևյալն են. Ասկերան՝ 11592.1, Հադրութ՝ 17080.5, Մարտակերտ՝ 6667.0, Մարտունի՝ 15270.4, Շահումյան՝ 145.0, Շուշի՝ 133.0, Քաշաթաղ՝ 22030.0 հեկտար՝ նախորդ տարվա, համապատասխանաբար, 10533.7, 9509.0, 4300.0, 12088.2, 106.0, 80.0, 17171.0 հեկտարի դիմաց: Աշնանացան մշակաբույսերի ցանքտարածքները առ 29.12.2017թ. կազմել են 72918.0 հա նախորդ տարվա նույն ժամանակահատվածի 53787.9 հա դիմաց: