|
Եղանակի տեսությունը  |
Փոփոխություններ և լրացումներ են կատարվել «Արցախի Հանրապետությունում այգեգործության զարգացման ծրագիրը հաստատելու մասին» որոշման մեջ
08/10/2022  Արցախի Հանրապետության կառավարության 2022 թվականի մարտի 11-ի N 253–Ա որոշման մեջ կատարվել են փոփոխություններ և լրացումներ, համաձայն որոնց այգի հիմնադրելու նպատակով ներկրված տնկիների արժեքի մասնակի սուբսիդավորման չափը կազմում է 1 տնկիի դիմաց` դրա արժեքի 50 տոկոսը, բայց ոչ ավելի, քան 2000 դրամը:Ներկրված տնկիները պարտադիր պետք է ունենան հավաստող փաստաթղթեր՝ սերտիֆիկացված տնկարանային տնտեսության հավաստագիր, ներմուծումը հավաստող փաստաթուղթ, առուվաճառքի պայմանագիր և հաշիվ-ապրանքագիր:
Հիշեցնենք, որ տեղական տնկիների արժեքը ևս մասնակի սուբսիդավորվում է՝ 1 տնկիի դիմաց առավելագույնը 1000 դրամի չափով:
Որոշման մեջ կատարվել է լրացում, համաձայն որի Արցախի Հանրապետությունում նվազագույնը 0.5 հեկտար մակերեսով (մեկ ամբողջական հողատարածքում) տանձենու և (կամ) շլորենու նոր հիմնադրած 1 հեկտար այգու դիմաց անհատույց տրամադրվում է 200 000 ՀՀ դրամի չափով աջակցություն:
Մանրամասների համար դիմել ԱՀ ԳՆ աշխատակազմի բուսաբուծության և բույսերի պաշտպանության վարչություն, հեռ.՝047 94 35 01:
|
