Մայիսի 2-ին ԱՀ գյուղատնտեսության նախարար Նորայր Մուսայելյանն, ուղեկցությամբ նախարարի առաջին տեղակալ Տիգրան Առստամյանի և նախարարության մի շարք կառուցվածքային ստորաբաժանումների ղեկավարների, այցելել է «Ստեփանակերտի անասնաբուժական սպասարկման կայան» ՊՈԱԿ և կազմակերպության կոլեկտիվին ներկայացրել կայանի նոր տնօրեն՝ Արամ Ալեքսանդրի Խաչատրյանին:

Նախարարը շնորհակալություն է հայտնել նախկին տնօրեն՝ Ավագ Վիլենի Ալլահվերդյանին, ով ազատվել է զբաղեցրած պաշտոնից սեփական դիմումի համաձայն՝ թոշակային տարիքով պայմանավորված, երկարամյա գործունեության համար և մաղթել ամենայն բարիք:

Նորանշանակ տնօրենին Նորայր Մուսայելյանը ներկայացրել վերջինիս հիմնական պարտականություններն ու մաղթել բեղուն գործունեություն՝ նախարարության հետ մշտական սերտ և անմիջական շփումների ներքո: