Չափագրվել և ստուգվել են բանջարեղենի ցանքատարածքները
05/06/2019
Մայիսի 30-ից ԱՀ գյուղատնտեսության նախարարության աշխատակազմի բուսաբուծության և բույսերի պաշտպանության վարչության և ԱՀ ԳԳԱՀ-ի ներկայացուցիչները Ասկերանի, Մարտունու, Հադրութի շրջաններում «Արցախի Հանրապետությունում բուսաբուծության համալիր զարգացման ծրագրի» շրջանակում հողօգտագործողների հայտերի հիման վրա իրականացրել են բանջարեղենի մշակության համար նախատեսված հողատարածքների չափագրում և ստուգումներ՝ ծրագրում ամրագրված դրույթներին համապատասխանությունը ճշտելու նպատակով:
Նշված ծրագրով խրախուսվում է պոմիդորի, պղպեղի, բադրիջանի, վարունգի, սոխի, սխտորի, կաղամբի, գազարի, բազուկի մշակությունը. յուրաքնչյուր 1 հեկտար բանջարեղենի մշակության դիմաց անհատույց հողօգտագործողներին է տրամադրվում 200 հազ. ՀՀ դրամի չափով, իսկ պոմիդորի մշակության դիմաց՝ 250 հազ. ՀՀ դրամի չափով պետական աջակցություն կամ այդ գումարներին համարժեք քանակությամբ ապրանքանյութեր: Կարտոֆիլի մշակութան համար ևս նախատեսվում է աջակցություն՝ 1 հեկտարի դիմաց 150 հազ. ՀՀ դրամի չափով:
Հարկ է նշել, որ աջակցությունը տրամադրվում է սկսած նվազագույնը 0,5 հեկտար հողատարածք մշակող հողօգտագործողներին՝ նշված գումարների կեսի չափով:
Ստուգումները շարունակվում են:
