|
Եղանակի տեսությունը  |
ՈՌՈԳՄԱՆ ՀԱՄԱԿԱՐԳՈՒՄ 2016 ԹՎԱԿԱՆԻ ՁԵՌՔԲԵՐՈՒՄՆԵՐՆ ՈՒ ԸՆԹԱՑԻԿ ՏԱՐՎԱ ԱՆԵԼԻՔՆԵՐԸ
21/02/2017
Համաձայն «ԼՂՀ գյուղատնտեսության նախարարության աշխատակազմի ջրային համակարգերի օգտագործման և պահպանության պետական տեսչության 2016 թվականի տարեկան ստուգումների ծրագրի», ԼՂՀ գյուղատնտեսության նախարարության ջրային համակարգի կառավարման պատասխանատուները 2016 թվականին ստուգումներ ու դիտարկումներ են իրականացրել հանրապետության տարբեր տարածաշրջաններում: Կաթիլային համակարգի խթանման համար ենթաշրջանային ծրագրերի «Ջրային համակարգերի արդիականացում» ենթածրագրի շրջանակներում ճշտվել և ընդունվել են շրջվարչակազմերից ներկայացված հայտերի ծավալները: Իրականացվել են մի շարք շինարարական աշխատանքներ, մասնավորապես, ջրամբարների, ջրանցքների, ջրատարների վերանորոգում: Վերանորոգման աշխատանքներ են տարվել Մարտունու շրջանի Սպիտակաշեն համայնքի տարածքում գտնվող «Ավոյի աղբյուր»-ում: Նախարարության աշխատակազմի համապատասխան ոլորտի պատասխանատուները մասնագիտական օժանդակություն են ցուցաբերել շրջաններում ընթացող աշխատանքներն առավել արդյունավետ ու որակով կազմակերպելու հարցում, տվել անհրաժեշտ հանձնարարականներ ու ցուցումներ: Ընթացիկ տարում ջրային ոլորտի հետևողական զարգացումն ապահովելու նպատակով նախատեսվում է իրականացնել հետևյալ միջոցառումները` արտեզյան ջրհորների կառուցում, վերանորոգում, ջրախնայողական տեխնոլոգիաների ներդրման խթանում, ինչպես նաև՝ ջրամբարների, ջրանցքների, ջրատարների վերանորոգում, վերականգնում և պահպանում:
|
