|
Եղանակի տեսությունը  |
Շրջայց «ԱՀ համայնքների արոտավայրերի, խոտհարքների և վարելահողերի բարելավման ծրագրի» շրջանակում
01/09/2022  Օգոստոսի 31-ին ԱՀ ԳՆ աշխատակազմի անասնաբուծության և անասնաբուժության վարչության ներկայացուցիչները՝ գլխավորությամբ Ռադիկ Գևորգյանի, «Արցախի Հանրապետության համայնքների արոտավայրերի, խոտհարքների և վարելահողերի բարելավման ծրագրի» շրջանակում շրջայց են իրականացրել Մարտակերտի շրջանի Առաջաձոր, Կիչան և Գառնաքար համայնքներ:Ծրագիրն առաջին անգամ է գործարկվել և նպատակ է հետապնդում արոտավայրերի, խոտհարքների և վարելահողերի կառավարումը դարձնել առավել արդյունավետ: Այս տարի այն կիրականացվի Ասկերանի, Մարտակերտի, Մարտունու և Շուշիի շրջանի մի շարք համայնքներում:
Շրջայցի ընթացքում ուսումնասիրություններ են իրականացվել արոտավայրերի, խոտհարքների, վարելահողերի մակերեսային և արմատական բարելավման ենթակա տարածքներում և տրվել դրական եզրակացություն:
Միաժամանակ անասնագլխաքանակի հաշվառում է իրականացվել Մարտակերտի շրջանի Գառնաքար համայնքում՝ մասնակցությամբ գյուղատնտեսության նախարարության, Մարտակերտի շրջանի գյուղբաժնի և նույն շրջանի անասնաբուժական կայան ՊՈԱԿ-ի մասնագետների ու տնօրենի մասնակցությամբ:
|
