ՇԱՐՈՒՆԱԿՎՈՒՄ ԵՆ ՑԱՆՔԵՐԻ ՍՏՈՒԳՄԱՆ ԵՎ ՉԱՓԱԳՐՄԱՆ ԱՇԽԱՏԱՆՔՆԵՐԸ
26/05/2017
Մայիսի 25-26-ին Արցախի հանրապետության գյուղատնտեսության նախարարության բուսաբուծության և բույսերի պաշտպանության պատասխանատուներն Ասկերանի շրջվարչակազմի գյուղոլորտի ներկայացուցիչների հետ համատեղ շարունակեցին իրականացնել «Լեռնային Ղարաբաղի Հանրապետությունում գարնանացան մշակաբույսերի ցանքաշրջանառության խթանման 2017 թվականի ծրագրի» շրջանակներում բանջարեղենի ցանքերի ստուգման աշխատանքները, որոնք իրականացվեցին Ուղտասար, Նախիջևանիկ, Վարդաձոր և Իվանյան համայնքների ցանքատարածքներում, որտեղ իրականացվեցին նաև չափագրման աշխատանքներ:
Նույն ծրագրի շրջանակներում կատարվել են ուսումնասիրություններ հնդկացորենի, արևածաղկի և սիսեռի ցանքատարածություններում, ինչպես նաև կատարվել է դիտարկում աշնանացան հացահատիկայինների ցանքատարածություններում:
