Մարտի 29-ին ԱՀ գյուղատնտեսության նախարար Նորայր Մուսայելյանը հրավիրել է աշխատանքային խորհրդակցություն՝ նախարարությունում նոր կադրային փոփոխությունների առնչությամբ:

Այսպես, ԱՀ կառավարության 2022 թվականի մարտի 16-ի N 267-Ա որոշմամբ, Տիգրան Վլադիմիրի Առստամյանը նշանակվել է ԱՀ գյուղատնտեսության նախարարի առաջին տեղակալ՝ ազատվելով ԱՀ գյուղատնտեսության նախարարի տեղակալի պաշտոնից:

ԱՀ կառավարության մեկ այլ՝ 2022 թվականի մարտի 16-ի N 268-Ա որոշմամբ, Արմեն Բախշիի Ղահրամանյանը նշանակվել է ԱՀ գյուղատնտեսության նախարարի տեղակալ:

 Նորայր Մուսայելյանը մաղթել է տեղակալներին արդյունավետ և բեղուն գործունեություն՝ ի բարօրություն Արցախի Հանրապետության: