|
Ամենօրյա  |
Նորայր Մուսայելյանն այցելել է ՀԱՍՓԼ ՊՈԱԿ
22/02/2022  Փետրվարի 22-ին ԱՀ գյուղատնտեսության նախարար Նորայր Մուսայելյանն, ուղեկցությամբ տեղակալ Տիգրան Առստամյանի, այցելել է ԱՀ ԳՆ «Հանրապետական անասնաբուժական և սննդամթերքի փորձաքննությունների լաբորատորիա» ՊՈԱԿ, հանդիպել կոլեկտիվի անդամների հետ, տեղեկացել առկա խնդիրներից, լսել առաջարկություններ՝ կազմակերպության աշխատանքն առավել արդյունավետ կազմակերպելու վերաբերյալ:Մասնավորապես, հնչել են առաջարկություններ լաբորատորիան նոր սարքավորումներով, գործիքներով, նյութերով ու թեստերով համալրելու կապակցությամբ, ինչը թույլ կտա կենդանիների մոտ մի շարք հիվանդությունների առկայությունը տեղում ու ավելի արագ որոշելու:
Սննդամթերքի փորձաքննությունների ոլորտում իրականացվում են բոլոր անհրաժեշտ ստուգումները՝ վճարովի հիմունքներով:
«Արդեն երկար տարիներ լաբորատորիան իր գործունեությունն իրականացնում է պատշաճ կերպով, ժամանակի ընթացքում այն համալրվել է նոր սարքավորումներով, բարելավել կադրային բազան անհրաժեշտ մասնագետներով: Ցանկանում եմ նշել, որ նախարարությունը մշտապես պատրաստ է աջակցելու ձեր գործունեության ակտիվացմանն ու ընդլայնմանն ուղղված ցանկացած գաղափար ու քայլ»,- եզրափակել է նախարարը:
Հանդիպումն անցել է դրական և կառուցողական քննարկումների մթնոլորտում:
|
