Նախարարն այցելեց Բերդաշեն և Ասկերան համայնքներ
20/12/2018
Դեկտեմբերի 19-ին ԱՀ գյուղատնտեսության նախարար Ժիրայր Միրզոյանը, ուղեկցությամբ փոխնախարար Համլետ Ապրեսյանի, այցելեց Մարտունու շրջանի Բերդաշեն համայնք, որտեղ ծանոթացավ նախարարության ծրագրով իրականացվող՝ քարհիզների վերականգնման և փոքր ջրամբարի կառուցման աշխատանքների ընթացքին:
Այնուհետև Ասկերանի շրջանում կատարվեց «Խաչենշին» ՓԲԸ- կողմից կատարված ջրանցքների մաքրման աշխատանքների դիտարկում, ինչից հետո Ասկերանում տեղի ունեցավ խորհրդակցություն, որի ժամանակ քննարկվեցին ԳՆ ջրային համակարգերի օգտագործման և պահպանության տեսչության կողմից վերջերս «Խաչենշին» ՓԲԸ- ում կատարված ստուգումների արդյունքները, որի ժամանակ արձանագրվել էին խախտումներ: Նախանշվեցին դրանց վերացման ուղղությամբ կատարվելիք միջոցառումները, ինչպես նաև՝ Ընկերության աշխատանքների արդյունավետության բարձրացման հետ կապված մի շարք անելիքներ ևս:
