|
Ամենօրյա  |
ՆԱԽԱՐԱՐԻ ԱՇԽԱՏԱՆՔԱՅԻՆ ԱՅՑԸ
19/05/2016 Ասկերանի շրջվարչակազմում Արամ Մխոյանը հանդիպեց շրջանի մեխանիզատորների, հողօգտագործողների և ԿԱ ԱԻԾ շրջանային բաժնի աշխատակիցների հետ. քննարկման թեման բերքահավաքն անկորուստ անցկացնելն էր: Գյուղնախարարը ներկաներին հորդորեց հնարավորինս նպատակասլաց և սրտացավ վերաբերմունք ցուցաբերել բերքահավաքին նախորդող՝ այդ թվում և՝ հակահրդեհային միջոցառումների աշխատանքներին և բուն բերքահավաքին: Այն կազմակերպելու համար անհրաժեշտ տեխնիկայի խնդիր ևս չի լինի՝ ՀՀ-ից կներգրավվեն կոմբայններ: Ասկերանի մեքենատրակտորային կայան այցելելուց հետո, Արամ Մխոյանն ուղևորվեց դեպի Մարտակերտի շրջան, որտեղ իրականացրեց դիտարկում մարտական հենակետերի հարևանությամբ գտնվող հացազգի և բանջարաբոստանային մշակաբույսերի դաշտեր: Աշխատանքային օրն ավարտվեց «Ջրային տնտեսություն» ՓԲԸ Ասկերանի տեղամասում, որտեղ նախարարը հանդիպեց կազմակերպության տնօրինության և աշխատակիցների հետ: Հանդիպմանը քննարկվեցին -Հողօգտագործողները չպետք է ոռոգման ջրի խնդիր ունենան: Ջրային ռեսուրսների ռացիոնալ ու արդյունավետ օգտագործում և կարգուկանոնի խստագույնս պահպանում. սա պիտի լինի ձեր գործունեության սկզբունքը, ինչի արդյունքում մենք կկարողանանք ջրօգտագործողներին ապահովել անհրաժեշտ քանակի ջրով: |
