ՆԱԽԱՐԱՐԻ ԱՅՑԸ ՄԱՐՏՈՒՆՈՒ «ԼՈՒՍԱԿԵՐՏ» ԹՌՉՆԱԲՈՒԾԱԿԱՆ ՖԱԲՐԻԿԱ ՍՊԸ
02/08/2016
Հուլիսի 30-ին ԼՂՀ գյուղատնտեսության նախարար Ա.Մխոյանն այցելել է Մարտունու «ԼՈՒՍԱԿԵՐՏ» թռչնաբուծական ֆաբրիկա, որտեղ ծանոթացել է գործարանում թռչունների բուծման պայմաններին, արտադրվող մսամթերքի որակին ու ծավալներին:
Ներկայումս գործարանն արտադրում է տարեկան մոտավորապես 1000 տոննա թռչնամիս, սակայն լիարժեք տեխնիկական հագեցվածության պայմաններում թռչնաֆաբրիկայում արտադրության ծավալները կարող են հասնել տարեկան ավելի քան 1500 տոննայի:
Գործարանում հավերը պահվում են բացառապես բնական, էկոլոգիական պայմաններում, կերերի մեջ չեն օգտագործվում որևէ հավելանյութեր ու հորմոններ:
Հետևաբար, կարող ենք արձանագրել, որ «ԼՈՒՍԱԿԵՐՏ» թռչնաբուծական ֆաբրիկա ՍՊԸ-ն ապահովում է բնակչությանն էկոլոգիապես մաքուր ու սննդարար մսամթերքով:
