• Նախարարություն
  • Նախարար
  • Կառուցվածք
  • Կանոնադրություն
  • Գյուղատնտեսության նախկին նախարարներ
• Գյուղատնտեսությունն Արցախում
  • Գյուղատնտեսության զարգացման տեմպերն ըստ տարիների
  • Գյուղատնտեսության զարգացման պայմաններն ու նախադրյալները ԼՂՀ-ում
• Բուսաբուծություն և բույսերի պաշտպանություն
  • Դաշտավարություն
  • Այգեգործություն
  • Բույսերի պաշտպանություն
  • Սերմնաբուծություն
  • Օրգանական գյուղատնտեսություն
• Անասնաբուծություն և անասնաբուժություն
  • Անասնաբուծություն
    • Տավարաբուծություն
    • Ոչխարաբուծություն
    • Խոզաբուծություն
    • Թռչնաբուծություն
    • Մեղվաբուծություն
    • Ձկնաբուծություն
  • Անասնաբուժություն
    • Հակահամաճարակային միջոցառումներ
    • Հիվանդություններ
• Ագրովերամշակում
• Մասնագիտական խորհրդատվություն և ցուցումներ
  • Խորհուրդ հողօգտագործողներին
  • Մշակաբույսերի մշակության տեխնոլոգիա
  • Բույսերի հիվանդությունների ու վնասատուների դեմ պայքարի միջոցներ
• Իրավական ակտեր
  • Օրենքներ
  • Որոշումներ
  • Նախարարի հրամաններ
  • Լիցենզավորում
  • ՀԱՅԵՑԱԿԱՐԳ
• Թափուր աշխատատեղեր
• Մեդիա
  • Պաշտոնական լրահոս
  • Տեսանյութեր
  • Մամուլը մեր մասին
  • Արխիվ

 Օգոստոսի 10-ին ԱՀ գյուղատնտեսության նախարար Ժիրայր Միրզոյանը հանդիպել է մի խումբ լրագրողների հետ և ներկայացրել գյուղատնտեսության ոլորտի նոր ծրագրերն ու  ընթացիկ ցուցանիշները:

 «Աշնանացան մշակաբույսերից ցորենի և գարու բերքահավաքը մոտենում է ավարտին. ցորենի միջին բերքատվությունը կազմում է 22.7 ց/հա, իսկ գարու միջին բերքատվությունը՝ 17.1 ց/հա: Պետք է արձանագրել, որ բերքատվության ոչ գոհացուցիչ ցուցանիշները մայիս և հունիս ամիսներին տեղացած կարկուտի և քամու հետևանք են: Ընդհանուր առմամբ, դրանք շուրջ 15 000 հա ցանքատարածքների վրա թողել են բերքի լուրջ կորուստներ, որոնցից 9 500 հա ցորենի և գարու ցանքատարածքներ ամբողջությամբ ոչնչացվել են»,- նշել է Ժ. Միրզոյանը՝ ընդգծելով, որ պետությունը բնական աղետների հետևանքով բերքի 100%-անոց կորուստ կորուստ ունեցած հողոգտագործողներին օգոստոս ամսվա ընթացքում կտրամդրի որոշակի ֆինանսական աջակցություն:

 Ըստ նախարարի՝ Արտակարգ իրավիճակների պետական ծառայության և շրջանների վարչակազմերի հետ արդյունավետ համագործակցության շնորհիվ հաջողվել է բերքահավաքն իրականացնել նվազագույն կորուստներով: «Հրդեհվել է ընդամենը 69 հա աշնանացան և 8 հա գարնանացան ցանքատարածքներ, ևս 28 հա չմշակված կամ թերի մշակված այգիներ և 40 000 հա արոտավայրեր և բուսածածկ այլ տարածքներ»,- նշել է Ժ. Միրզոյանը, ավելացնելով, որ դրանք ենթակա են փոխհատուցման ո՛չ թե պետության, այլ այն անձանց կողմից, որոնց պատճառով բռնկվել է հրդեհը:

  Այնուհետև նախարար Միրզոյանն անդրադարձել է Արցախում վերջերս ուժի մեջ մտած՝ անասնաբուծությանը ներկայացվող պարտադիր պահանջները հաստատելու մասին Կառավարության որոշմանը և հայտնել, որ խոզերի բուծումն անհրաժեշտ է կազմակերպել միայն փակ պահվածքով, քանի որ խոզերի աֆրիկյան ժանտախտ հիվանդությունից խուսափելու այս պահին գոյություն ունեցող միակ տարբերակը խոզերի փակ պահվածքով բուծումն է:

 Հանդիպման ավարտին նախարարը խոսել է նաև Կառավարության կողմից ընդունված՝ կաթիլային ոռոգման համակարգերի տեղադրման նոր առանձնահատկությունների և անհրաժեշտ նախապայմանների վերաբերյալ որոշման մասին, ըստ որի՝ ներկայացվող հայտերը պետք է հստակ ձևակերպված լինեն տվյալ հողատարածքում այգեգործական գործունեություն ծավալող հայտատուի անունով, համապատասխան  տարածքը պետք է ապահովված լինի ոռոգման համար նախատեսված անհրաժեշտ քանակի ջրով, տարածքը պետք է համապատասխանի տվյալ պտղատեսակի համար նախատեսված առանձնահատկություններին, ինչպես նաև հայտատուն չպետք է ունենա գյուղատնտեսական վարկի և այլ փոխառությունների գծով ժամկետանց պարտավորություններ: «Սահմանվել է պետական աջակցության առավելագույն սահմանաչափը՝ 1 հեկտարի համար 1.5 միլիոն դրամ, որի 50 տոկոսը տրվում է փոխառությամբ, իսկ մյուս մասը՝ որպես դրամաշնորհ»,- հավելել է Ժ. Միրզոյանը: