Նախարարը մասնակցեց Քաշաթաղի շրջանի խորհրդի նիստին
06/12/2018
Շարունակվում են գյուղոլորտի ղեկավարության շրջանային այցերը: Դեկտեմբերի 4-ին ԱՀ գյուղատնտեսության նախարար Ժիրայր Միրզոյանը, ուղեկցությամբ տեղակալների և նախարարության տարբեր ստորաբաժանումների ղեկավարների, այցելեց Բերձոր, որտեղ մասնակցեց Քշաթաղի շրջանի խորհրդի նիստին:
Նախարարը ներկայացրեց գյուղատնտեսության ոլորտում իրականացվող պետական քաղաքականության առանձնահատկությունները, մասնավորապես, այն ուղղություններում, որտեղ առաջիկայում անհրաժեշտ են լինելու կարարել վերանայումներ: Ժ.Միրզոյանը կարևորեց անասնաբուծության ոլորտում հսկողության և վերահսկողության 
ուժեղացումը հատկապես այն տարածքներում, որոնք բարձր լեռնային են և գտնվում են ԱՀ պետական սահմանին ավելի մոտ: Հատուկ ուշադրություն դարձվեց սննդի անվտանգության ապահովման ուղղությամբ տարվող միջոցառումների որակին, ինչի վերաբերյալ ելույթ ունեցավ ԳՆ ՍԱՊԾ պետ Արթուր Ներսիսյանը:
Օրվա երկրորդ կեսին Նախարարն այցելեց «Քաշաթաղի անասնաբուժական սպասարկման կայան» ՊՈԱԿ, որտեղ ծանոթացավ իրականացվող աշխատանքներին և պայմաններին: 
Նախարարը նշեց, որ 2019-ին Բերձորը կունենա նորակառույց անասնաբուժական սպասարկման կայան և հույս հայտնեց, որ աշխատանքներն ավելի արդյունավետ կդառնան:
