Մեկնարկել է հրդեհականխարգելիչ միջոցառումների ծրագիրը 06/04/2018
Ապրիլի 6-ից մեկնարկել է ԱՀ գյուղատնտեսության նախարարության և ԱՀ արտակարգ իրավիճակներ պետական ծառայության կողմից համատեղ իրականացվող Արցախի Հանրապետության շրջաններում 2018 թվականին մոլախոտային բուսականության դեմ պայքարի կազմակերպման ծրագիրը, որի նպատակն է հանրապետության ցանքատարածքներին հարակից հրդեհավտանգ տարածքներում մոլախոտային բուսածածկի դեմ պայքարի կազմակերպման և պաշտպանիչ գոտու ստեղծման միջոցով հրդեհների կանխումը: Ծրագիրը գործում է 2015 թվականից և տարեցտարի ապահովում է առավել գոհացուցիչ արդյունքներ: Այս տարի մոլախոտային բուսածածկի դեմ հանրապետության շրջաններում սրսկում է նախատեսվում շուրջ 1500 հեկտարի վրա: ԱՀ գյուղատնտեսության նախարարության և Արտակարգ իրավիճակների պետական ծառայության կողմից մշակվել է ծրագրի իրականացման քարտեզ, որին համապատասխան մինչև ապրիլի 26-ը ծրագիրը կյանքի կկոչվի: Հրդեհականխարգելիչ միջոցառումների մեկնարկը տրվել է Ակնա-Մարտունի մայրուղու՝ Ակնա-Բերդաշեն հատվածում: Աշխատանքներին անձամբ հետևել են ԱՀ գյուղատնտեսության նախարարի տեղակալ Վիլեն Ավետիսյանը, ԱՀ ԳՆ Բույսերի պաշտպանության ծառայություն ՊՈԱԿ-ի տնօրեն Վալերի Խաչատրյանը, ԱՀ ԱԻՊԾ աշխատակազմի պետական հրդեհային և տեխնիկական անվտանգության տեսչության պետ Էդիկ Առստամյանը և այլ պատասխանատուներ:
