ՃՇՏՎԵԼ ԵՆ ԿՈՐՈՒՍՏՆԵՐԻ ՉԱՓԵՐԸ
01/12/2016
Օրերս ԼՂՀ գյուղատնտեսության նախարարության աշխատակազմի բուսաբուծության և բույսերի պաշտպանության բաժնի մասնագետները եղել են ԼՂՀ Մարտունու շրջանում: Այցի նպատակը վերջին մի քանի օրերին հանրապետության տարածքում հաստատված բացասական ջերմաստիճանի հետևանքով տուժած ծխախոտի դաշտերի ուսումնասիրությունն էր, որի արդյունքում ճշտվել են ցրտահարված տարածքների մակերեսներն ու բերքի մոտավոր կորուստները: Բացի այդ, մասնագետները հանդիպել են շրջանի վարչակազմի գյուղբաժնի մասնագետների, «Մասիս տոբակո» ՍՊԸ ներկայացուցիչների ու հողօգտագործողների հետ: Հանդիպման ընթացքում քննարկվել են հողօգտագործողների կողմից բարձրացված հարցերը, ներկայացված առաջարկությունները և ստեղծված իրավիճակից դուրս գալու ուղիները:
Նշենք նաև, որ 2016 թվականի բերքի տակ ցանվել է 163,0 հեկտար ծխախոտ: Բերքահավաքը կատարվել է 145,0 հեկտարի վրա. համախառն բերքը կազմել է 1851,2 տոննա, միջին բերքատվությունը՝ 127,8 ց/հա:
