Ի գիտություն հողօգտագործողների
25/12/2019
Արցախի հանրապետության գյուղատնտեսության նախարարությունն իրազեկում է.
վերջին ժամանակներս արձանագրված տաք եղանակային պայմանները և առաջիկա օրերի բարձր ջերմաստիճանը նպաստավոր պայմաններ են ստեղծում հասկավոր հացահատիկային մշակաբույսերի վնասատուների ակտիվացման և տարածման՝ հատկապես գնայուկ բզեզի, հացաճանճերի, հացահատիկի լվիճների և չրխկան բզեզների լարաթրթուր վնասատուների համար:
Նրանց հետագա զարգացումը և վնասները կանխելու նպատակով, հողօգտագործողներին հորդորում ենք լինել ուշադիր, հետևել մասնագետների խորհուրդներին, անհրաժեշտության դեպքում կիրառել պայքարի քիմիական մեթոդը, որն ունի բարձր արդյունավետություն:
Պայքարի միջոցառումներ
Ագրոտեխնիկական միջոցառումներից առավել կարևորվում են՝
- Ճիշտ ցանքաշրջանառության կիրառումը:
- Նախորդ բերքահավաքից հետո հողի մակերեսային և խորը մշակումների կատարումը:
- Մշակաբույսերի ճիշտ սորտի և որակյալ սերմացուի ընտրությունը:
- Հողակլիմայական պայմաններին համապատասխան օպտիմալ ժամկետներում ցանքսի կատարումը:
Վնասատուների դեմ պայքարի մեթոդներից դեռևս առաջնահերթ տեղ է գրավում քիմիական մեթոդը, որն ունի բարձր արդյունավետություն: Թունաքիմիկատների տեսականու ճիշտ ընտրությունը, չափաքանակների և ժամկետների ճիշտ պահպանությունը խիստ կարևոր նշանակություն ունեն պայքարի միջոցառումների արդյունավետության բարձրացման և շրջակա միջավայրը աղտոտումից զերծ պահելու գործում:
Վերը թվարկված վնասատուներն իրենց վնասակարությունը սկսում են ցուցաբերել աշնանացան ցանքատարածքներում բույսերի ծիլերը երևալուց մինչև թփակալում և շարունակում են վնասել այնքան, որքան կլիման բարենպաստ է: Նշված վնասատուների դեմ աշնանը (ձմռանը), երբ օդի ջերմաստիճանը ցածր չէ 10-120 C-ից, բարձր արդյունավետություն են ցուցաբերում աղյուսակում նշված թունանյութերը կամ հմապատասխան ազդող նյութերով այլ թունաքիմիկատներ ԱՎԵԼԻՆ
