ԱՀ նախագահ Արայիկ Հարությունյանի 2022 թվականի դեկտեմբերի 29-ի ՆՀ-1823-Ա հրամանագրով Հրանտ Կամոյի Սաֆարյանը նշանակվել է Արցախի Հանրապետության գյուղատնտեսության նախարար:

Կենսագրություն

Հրանտ Կամոյի Սաֆարյանը ծնվել է 1984 թվականին, Մարտունու շրջանի Ճարտար գյուղում:

1991 թվականին ընդունվել է Ճարտարի միջնակարգ դպրոցը, 1997 թվականին տեղափոխվել և ուսումը շարունակել է Մարտունի քաղաքի թիվ 2 միջնակարգ դպրոցում, որն ավարտել է 2001 թվականին:

Նույն թվականին ընդունվել և 2008-ին ավարտել է ԱրՊՀ «Իրավագիտություն» բաժինը:

2004-2006 թթ. անցել է զինվորական պարտադիր ծառայություն:

2009-2018 թթ. աշխատել է ԱՀ «Գյուղի և գյուղատնտեսության աջակցության» հիմնադրամում՝ զբաղեցնելով տարբեր պաշտոններ:

2018-2020 թթ. զբաղեցրել է «Բիզնեսի աջակցության» հինադրամի տնօրենի պաշտոնը:

2020 թվականի հունիսի 2-ին նշանակվել է «Արցախի Հանրապետության Գյուղի և գյուղատնտեսության աջակցության» հիմնադրամի տնօրեն:

Ամուսնացած է, ունի 2 զավակ: