ՀԻՄՆԱԿԱՆ ՍՆՆԴԱՏԱՐՐԵՐՆ ՈՒ ԴՐԱՆՑ ԴԵՐԸ ԲՈՒՅՍԵՐԻ ԿՅԱՆՔՈՒՄ, ՍԵՐՄՆԱԲՈՒԾՈՒԹՅՈՒՆ ԵՎ ԱԳՐՈԷԿՈՆՈՄԻԿԱ ԹԵՄԱՆԵՐԻՆ ԷԻՆ ՆՎԻՐՎԱԾ ԱՅՍՕՐՎԱ ԴԱՍԸՆԹԱՑՆԵՐԸ
15/11/2016
ԼՂՀ գյուղատնտեսության նախարարությունում անցկացվող դասընթացների այսօրվա թեմաներն էին՝ Հիմնական սննդատարրերն ու դրանց դերը բույսերի կյանքում, Սերմնաբուծություն և Ագրոէկոնոմիկա:
Առաջին երկու թեմաները լսարանին մատուցեց ԼՂՀ գյուղատնտեսության նախարար, գյուղատնտեսական գիտությունների թեկնածու Արամ Մխոյանը, ով ներկաներին մանրակրկիտ բացատրեց բույսի համար յուրաքանչյուր սննդատարրի կարևորությունը, դրա անբավարարությունից առաջացող բացասական հետևանքները, հողը ճշգրիտ չափաբաժիններով սնուցելու բանաձևերը:
Նախարարը մասնակիցներին ներկայացրեց աշնանացան ցորենի սերմնաբուծության սխեման, ցանքի ճշգրիտ նորմաները որոշելու բանաձևը, ինչպես նաև խոսեց ԼՂՀ-ի պայմաններին հարմարված ցորենի սորտերի մասին:
Ագրոէկոնոմիկա թեման մատուցեց ԼՂՀ ազգային վիճակագրական ծառայության նախագահ, տնտեսագիտական գիտությունների թեկնածու Կարեն Ներսիսյանը:
