Հանդիպում քաղաքային ու շրջանային անասնաբուժական սպասարկամն կայանների տնօրենների հետ
14/01/2019
Հունվարի 14-ին ԱՀ գյուղատնտեսության նախարար ժիրայր Միրզոյանն աշխատանքային խորհրդակցություն է անցկացրել անասնաբուծության և անասնաբուժության ոլորտի պատասխանատուների հետ, որի ընթացքում ռանձին ուշադրություն է դարձվել շրջանային անասնաբուժական սպասարկաման կայանների գործունեության արդյունավետության բարձրացման վրա: Մանրամասն խոսվել է համայնքները սպասարկող անասնաբույժների կողմից՝ իրենց պարտականությունների իրականացման վերաբերյալ բարձր պատասխանատվության դրսևորման բացակայության դեպքերի, անասունների համար նախատեսված պատվաստանյութերի ժամանակին սրսկման և այլ գործառույթների մասին, որոնք պետք է իրականացվեն պատշաճ կերպով: Քաղաքային և շրջանային անասնաբուժական սպասարկամն կայանների տնօրեններին՝ որպես անասնաբույժների աշխատանքի անմիջական վերահսկողների, հրահանգվել է լինել ավելի հետևողական և խստապահանջ:
Առաջիկայի համար Ժ. Միրզոյանը հանձնարարել է տնօրեններին գրավոր կերպով ծանուցել համայնքներում խոզաբուծությամբ զբաղվող բոլոր տնտեսավարողներին նախարարության կողմից օրերս իրականացվելիք ստուգայցերի մասին՝ ուղղված խոզերի բաց պահվածքի դեպքերի բացահայտմանն ու տուգանմանը:
Խորհրդակցության ընթացքում ամփոփվել են 2018 թվականին անասնաբուծության և անասնաբուժության ոլորտում արձանագրված արդյունքները, մատնանշվել են բացթողումներն ու ընթացիկ տարվա անելիքները: Նախարարը կարևորել է քաղաքային ու շրջանային անասնաբուժական սպասարկաման կայանների սերտ համագործակցությունը տեղական ինքնակառավարման մարմինների հետ, հորդորել է առավել սերտացնել կապը նաև ԱՀ ԳՆ սննդամթերքի անվտանգության պետական ծառայության աշխատակազմի անասնաբուժության տեսչության հետ:
