Հանդիպում ԳԳԱՀ ներկայացուցիչների հետ
09/08/2018
Օգոստոսի 8-ին ԱՀ գյուղատնտեսության նախարար Ժիրայր Միրզոյանն ընդունել է ԱՀ գյուղի և գյուղատնտեսության աջակցության հիմնադրամի մի խումբ աշխատակիցների՝ տնօրեն Տիգրան Ծատրյանի գլխավորությամբ: Ողջունելով հյուրերին՝ Ժ. Միրզոյանը կարևորել է Գյուղատնտեսության նախարարության և Գյուղի և գյուղատնտեսության աջակցության հիմնադրամի սերտ համագործակցության խորացումը՝ աշխատանքներն առավել արդյունավետ ու համակարգված կատարելու նպատակով:
Հանդիպմանն անդրադարձ է կատարվել հիմնադրամի կողմից իրականացվող ծրագրերի շրջանակներում փոխառությունների տրամադրման, առևտրային բանկերի կողմից գյուղատնտեսության ոլորտին տրամադրվող վարկերի տոկոսադրույքների մասնակի սուբսիդավորման, լիզինգի և մի շարք այլ կարգերում կատարվելիք փոփոխություններին, որոնք նպատակ ունեն առավել հստակեցնել դրանք և նպատակային օգտագործման համար վերահսկողությունն ավելի ուժեղացնել:
Կողմերը մտքեր են փոխանակել նաև երկուստեք հետաքրքրություն ներկայացնող այլ հարցերի շուրջ:
