Ինչպես գիտենք, դրամաշնորհային ծրագրերը ուղղված են տնտեսության 3 կարևորագույն ճյուղերի՝ գյուղատնտեսության, մշակող արդյունաբերության և գյուղական տուրիզմի զարգացմանը և նպատակ են հետապնդում նորարարական մոտեցումների կիրառման միջոցով նոր շունչ հաղորդել դրանց:

Այսպես, հայտատարված մրցույթի արդյունքում նախարարություն է ներկայացվել թվով 36 հայտ, որից 12-ը գյուղատնտեսության, 17-ը մշակող արդյունաբերության և 7-ը գյուղական տուրիզմի վերաբերյալ:

Ծրագրերի եռօրյա քննարկումների արդյունքների ամփոփմամբ, դրամաշնորհային ծրագրերի «Գյուղատնտեսության զարգացման խթանում ինովացիոն տեխնոլոգիաների միջոցով» ուղղության 12 հայտատուներից հաղթող են ճանաչվել 3-ը՝ Ռուբեն Հայրիյանը՝ (լոլիկի արտադրություն), Արմեն Գարաքյանը (ջերմոցային տնտեսություն), Արմինե Բալասանյանը (հավաբուծություն):

Հաղթողներն իրենց զարգացման ծրագրերը կյանքի կոչելու համար կստանան, համապատասխանաբար, 11 334 000, 12 000 000, 11 666 000 ՀՀ դրամի չափով դրամաշնորհ՝ անվերադարձ, պարտավորվելով կատարել ներդրում սեփական ծրագրի մեջ՝ դրա ընդհանուր արժեքի 20 տոկոսի չափով:

«Մշակող արդյունաբերության զարգացում» ուղղության 17 հայտատուներից հաղթող են ճանաչվել 4-ը՝ «Կամելլիա Պլյուս» ՍՊԸ (մակարոնեղենի արտադրություն), Օհանես Ասմարյանը (չրերի, մեղրի և օղիների արտադրություն), Խաչիկ Գալստյանը (դոշաբի արտադրություն), Վալերի Ղազարյան ԱՁ (ասեղնագործ սպորտային հագուստի արտադրություն):

Հաղթողներն իրենց ծրագրերն իրագործելու համար կստանան, համապատասխանաբար, 12 000 000, 15 000 000, 8 000 000, 10 000 000 ՀՀ դրամի չափով դրամաշնորհ՝ անվերադարձ, անվերադարձ, պարտավորվելով կատարել ներդրում սեփական ծրագրի մեջ՝ դրա ընդհանուր արժեքի 25 տոկոսի չափով:

«Գյուղական տուրիզմի զարգացում» ուղղության 7 հայտատուներից հաղթող են ճանաչվել 4-ը՝ Արտակ Գրիգորյանը («Սար Սերֆինգ»), Արամ Ավագյանը (հիպոտուրիզմ, Ռև համայնք), «Ստեփան Գրիգորյան» ԱՁ («Ստեփանս բեյքրի» զբոսաշրջային տան ընդարձակում, Պատարա համայնք), Լիանա Գասպարյանը (սննդի կետի բացում և արշավների կազմակերպում, Պատարա համայնք):

Հաղթողները կստանան 5-ական մլն ՀՀ դրամի չափով դրամաշնորհ՝ անվերադարձանվերադարձ, պարտավորվելով կատարել ներդրում սեփական ծրագրի մեջ՝ դրա ընդհանուր արժեքի 20 տոկոսի չափով:

ԱՀ էկոնոմիկայի և գյուղատնտեսության նախարարությունն առաջին անգամ է իրականացնում նման միջոցառում և ստանձնում է հաղթող ճանաչված ծրագրերի իրագործման ամբողջ ընթացքի վերահսկման պարտավորություն՝ սահմանելով ծրագրերի իրականացման ընթացքում միջանկայլ և ամփոփիչ հաշվետվությունների ներկայացման ժամանակացույց:

Դրամաշնորհի պայմանագրով սահմանված պայմանների խախտման դեպքում ծրագրի շահառուն պարտավորվում է սահմանված ժամկետում գումարը հետ վերադարձնել Արցախի Հանրապետության պետական բյուջե: