Գյուղատնտեսական տեխնիկայի հարգելի սեփականատեր

Պատերազմական գործողութունների հետևանքով խոտանված կամ Արցախի Հանրապետության վերահսկողությունից դուրս գտնվող տարածքներում մնացած քաղաքացիների գյուղատնտեսական տեխնիկան, կցանքները և սարքավորումները հաշվառումից հանելու համար խնդրում ենք սեփականության իրավունքի վկայագրերով ներակայանալ ԱՀ էկոնոմիկայի և գյուղատնտեսության նախարարության աշխատակազմի գյուղատնտեսական տեխնիկայի պետական տեսչություն՝ հաշվառումից հանելու նպատակով:

Միևնույն ժամանակ տեղեկացնում և հորդորում ենք.

Գյուղատնտեսական տեխնիկայի ձեռքբերման պահին մանրակրկիտ ստուգեք փաստաթղթերը: Ինքնագնաց մեքենա ձեռք մի բերեք առանց տեխնիկական անձնագրի:

Գյուղատնտեսական տեխնիկայի սեփականության իրավունքը հաստատող փաստաթղթում (առուվաճառքի պայմանագրում) տեխնիկական անձնագրի սերիայի և համարի նշումը պարտադիր է:

Գյուղատնտեսական տեխնիկայի և սարքավորումների ձեռքբերման պահին խստապահանջորեն ստուգեք առուվաճառքի պայմանագիրը և հանձնման-ընդունման ակտը, որպեսզի այդ փաստաթղթերում նշված գնորդի տվյալները համապատասխանեն գյուղատնտեսական տեխնիկայի անձնագրի նույն տվյալներին:

Գյուղատնտեսական տեխնիկան և կցասայլերը անհրաժեշտ է անպայման ունենան փակցված համապատասխան վայրում պետհամարանիշներ, հակառակ դեպքում կտուգանվեն օրենքով սահմանված կարգով: