ՀԱՅՏԱՐԱՐՈՒԹՅՈՒՆ
18/09/2017

Սիրելի հայրենակիցներ

Հոկտեմբերի 8-ին հանրապետությունում մեծ շուքով նշվելու է գյուղատնտեսության աշխատողի օրը: Մայրաքաղաքի Վերածննդի հրապարակում առավոտյան ժամը 9:00-ից կանցկացվեն մի շարք մշակութային և տոնական միջոցառումներ:
Նշված միջոցառումներին համաժողովրդական բնույթ տալու նպատակով ԼՂՀ գյուղատնտեսության նախարարությունը կկազմակերպի նաև գյուղատնտեսական մթերքների և արտադրատեսակների նմուշների ցուցահանդես-տոնավաճառ, ինչի շնորհիվ դուք կարող եք ոչ միայն ծանոթանալ ու համտեսել Արցախի բերքն ու բարիքը, այլ նաև գնել այն շուկայականից ցածր գներով:
Հանրապետության բոլոր տնտեսավարող սուբյեկտներին և անհատներին հնարավորություն է ընձեռվում իրենց մթերքն ու արտադրանքը ցուցադրելու և վաճառելու:
Ցուցահանդես-տոնավաճառին մասնակցելու նպատակով մինչև սույն թվականի սեպտեմբերի 30-ը ցանկացողները կարող են հայտ ներկայացնել համապատասխան շրջվարչակազմի գյուղատնտեսության բաժին կամ դիմել ԼՂՀ գյուղատնտեսության նախարարություն:
Լրացուցիչ տեղեկությունների համար զանգահարել (047)94-49-45 հեռախոսահամարով: