ԽՈՐՀՐԴԱԿՑՈՒԹՅՈՒՆ
03/02/2016
Փետրվարի 3-ին ԼՂՀ գյուղատնտեսության նախարար Արամ Մխոյանի մոտ տեղի ունեցավ աշխատանքային խորհրդակցություն, որին հրավիրված էին հանրապետությունում գործող՝ գյուղատնտեսական մթերքների վերամշակությամբ զբաղվող ընկերությունների («Արցախ ֆրութ», «Արցախ բերրի» և «Տրիումֆ») ներկայացուցիչները: Արցախյան ընկերությունների արտադրության ծավալների ու սպառման խնդիրների հետ կապված հարցերը կարգավորելու նպատակով նախարարը ծանոթացավ նրանց արտադրական հզորություններին ու առաջարկվող տեսականուն: Արամ Մխոյանի ցուցումով գյուղմթերքների վերամշակությամբ զբաղվող ընկերությունների ներկայացուցիչներն առաջիկայում կներկայացնեն իրենց մոտ առկա արտադրանքի ծավալները, առկա պահանջները, որոնց հաշվառմամբ և կներկրվի համապատասխան սերմերի քանակն ու տեսականին: Արամ Մխոյանը նշեց, որ բանջարեղեն արտադրող տնտեսվարողներին կցուցաբերվի համակողմանի օժանդակություն (նաև՝ սերմերի, պարարտանյութերի և մասնագիտական խորհրդատվության տրամադրման տեսքով):
