2020 թվականին բազմամյա տնկարկների, ծխախոտի, բանջարաբոստանային կուլտուրաների և այլ միամյա մշակաբույսերի մշակության նպատակով ոռոգման կաթիլային համակարգի տեղադրման դիմաց պետական աջակցություն չստացած ֆիզիկական կամ իրավաբանական անձանց սուբսիդավորում տրամադրելու նպատակով անհրաժեշտ է մինչև սույն թվականի սեպտեմբերի 15-ը ԱՀ էկոնոմիկայի և գյուղատնտեսության նախարարություն ներկայացնել հետևյալ փաստաթղթերը.

գյուղատնտեսական նշանակության հողատարածքի նկատմամբ սեփականության, վարձակալության, ենթավարձակալության կամ անհատույց օգտագործման իրավունքի պետական գրանցման վկայականի, իսկ վերաբնակեցման տարածքներում վկայականի բացակայության դեպքում՝ համայնքի ղեկավարի կողմից տրված համապատասխան տեղեկանքի,

անձնագրի

սոցալական քարտի պատճենները,

վարչակազմի կամ համայնքի ղեկավարի, կամ համայնքը սպասարկող գյուղատնտեսի կողմից տրամադրված՝ ոռոգման կաթիլային համակարգի տեղադրման փաստը հավաստող տեղեկանք

նախգծանախահաշվային փաստաթղթեր:

Հայտերն ընդունելուց հետո դրական եզրակացություն ստացած հայտատուների հետ նախարարությունը կկնքի համապատասխան պայմանագրեր և մեկ տարվա ընթացքում կհատկացնի համապատասխան ֆինանսական միջոցներ:

Սույն ծրագրի շահառու հանդիսանալու պարտադիր պայման է՝ մեկ կուլտուրայի հաշվով հողատարածքի նվազագույնը 0,5 հա մակերեսի առկայությունը:

Լրացուցիչ տեղեկությունների համար դիմել էկոնոմիկայի և գյուղատնտեսության նախարարություն, հեռախոս՝ 047 94 29 74: