ԱՀ էկոնոմիկայի և գյուղատնտեսության նախարարության աշխատակազմի զբոսաշրջության վարչության կողմից իրականացվել են այցելություններ Ծմակահող, Վանք և Բովուրխան ուղղություններով։

Ծմակահող գյուղում գտնվող Սբ. Ստեփանոս եկեղեցին գտնվում է բարվոք վիճակում։ Եկեղեցին ունի վերանորոգված տանիք և շրջապատված է պեղումների արդյունքում ի հայտ եկած նմուշներով և խաչքարերով։

Վանք գյուղի տարածքում առկա է զբոսաշրջային ենթակառուցվածքների մեծ բազմազանություն և գյուղը ամբողջությամբ ներկայանում է որպես պատրաստի զբոսաշրջային կլաստեր, սակայն տվյալ ենթակառուցվածքների մեծ մասը գտնվում է լքված վիճակում և անհրաժեշտ է նոր շունչ հաղորդել զբոսաշրջային տարածաշրջանին։

Մարտունու շրջանի Ննգի գյուղի տարածքում գտնվող Բովուրխան բարձունք- վանական համալիրում անհրաժեշտ է իրականացնել վերականգնողական և մաքրման աշխատանքներ, ինչպես նաև՝ տեղադրել ճանապարհային և տեղեկատվական ցուցանակներ։