Գյուղատնտեսական կենդանիների հաշվառման և համարակալման ծրագրի շնորհանդես Ծաղկաձորում
25/11/2019
Նոյեմբերի 21-ին ՀՀ Կոտայքի մարզի Ծաղկաձոր քաղաքում կայացել է գյուղատնտեսական կենդանիների համընդհանուր համարակալման և հաշվառման ծրագրի շնորհանդեսը, որին մասնակցել են ԱՀ ԳՆ աշխատակազմի անասնաբուծության և անասնաբուժության վարչության մասնագետները: Ծրագիրը մշակվել է «Ագրոբիզնեսի և գյուղի զարգացման կենտրոն» հիմնադրամի և Ավստրիական զարգացման գործակալության համատեղ ջանքերով և նպատակաուղղված է լուծել այնպիսի կարևոր խնդիրներ, ինչպիսիք են կենդանիների առողջական 
վիճակի բարելավումը, հանրային առողջապահության մակարդակի բարձրացումը, կենդանիների տեղաշարժի նկատմամբ վերահսկողության բարձրացումը, սննդի անվտանգության համակարգի կատարելագործումը, քանի որ համակարգը տեսանելի կդարձնի մսի ու կաթի արտադրության ամբողջ շղթան:
Գյուղատնտեսական կենդանիների համընդհանուր համարակալման և հաշվառման համակարգը շատ կարևոր գործիք է թե՛ անասնատիրոջ, թե՛ անասնաբույժի և թե՛ կառավարության ու այլ շահագրգիռ մարմինների համար: Առաջիկայում նախատեսվում է այն գործարկել նաև Արցախում:
