Ծրագրի շահառու դառնալու նպատակով հայտատուն նախարարության կողմից սահմանված ժամկետում իր համայնքը սպասարկող անասնաբույժին է ներկայացնում հայտ՝ նշելով գործունեության իրականացման վայրի, պայմանների ու տոհմային կենդանիների պահանջարկի մասին տեղեկությունները, որոնք ԱՀ անասնաբուժական սպասարկման կայանների կողմից ներկայացվում է նախարարություն:

Մասնակի սուբսիդավորման ենթակա է ձեռքբերվելիք տոհմային կենդանու արժեքի 50 տոկոսը, մնացած 50 տոկոսը հայտատուն վճարում է միանվագ ընկերություններին առուվաճառքի պայմանագրերը կնքելու պահին:

Կենդանիները ձեռք են բերվում ԱՀ-ում տոհմային կենդանիների բուծում իրականացնող ընկերություններից:

Տոհմային կենդանիների պահվածքը հայտատուների կողմից պետք է իրականացվի հետևյալ պայմաններով՝

1) տոհմային ցուլը երեք տարի փակ պահվածքով պահելու,

2) տոհմային կովը երկու տարի փակ պահվածքով պահելու և սերունդ ստանալու.

3) տոհմային հորթ, տոհմային մատղաշ և (կամ) տոհմային երինջ ձեռք բերելու դեպքում՝ երեք տարի փակ պահվածքով պահելու:

Տոհմային կենդանուն նշված ժամկետներում փակ պահվածքով չպահելու, տոհմային կովի դեպքում նաև սերունդ չստանալու կամ անփույթ պահելու հետևանքով տոհմային կենդանու անկման դեպքում հայտատուների կողմից տոհմային կենդանու արժեքի սուբսիդավորված մասը ենթակա է վերադարձման պետական բյուջե:

Փակ պահվածքի դրույթը չի տարածվում աբերդին անգուս և հոլովեյ ցեղատեսակներին պատկանող տոհմային կենդանիների վրա:

Ծրագրի դրույթների պահպանման նկատմամբ նախարարությունն իրականացնում է վերահսկողություն և մշտադիտարկում:

Լրացուցիչ հարցերի դեպում զանգել 047 94 29 73 հեռախոսահամարին: