|
Եղանակի տեսությունը  |
Արցախի Հանրապետությունում ընթանում են ջերմոցային տնտեսությունների ուսումնասիրության աշխատանքներ՝ պետական աջակցության տրամադրման նպատակով
05/04/2022
Ուսումնասիրություններն ընթանում են ծրագրից բխող երկու միջոցառումների շրջանակում՝ ԱՀ-ում գործող նվազագույնը 100 քմ ամբողջական տարածք մակերես ունեցող ջեռուցվող և չջեռուցվող ջերմատնային տնտեսությունների և Արցախում նոր կառուցված՝ ավանդական եղանակով մշակվող (նվազագույնը 100 քմ ամբողջական տարածքով) և ժամանակակից տեխնոլոգիաներով հագեցած (նվազագույնը 500 քմ ամբողջական տարածքով) ջերմատնային տնտեսությունների ուղղությամբ: Նշենք, որ ջեռուցվող ջերմատնային տնտեսությամբ զբաղվողներին 1 հեկտարի դիմաց նախատեսվում է տրամադրել 6 000 000 դրամ (1 քառակուսի մետրի դիմաց՝ 600 դրամ), իսկ չջեռուցվող ջերմատնային տնտեսությամբ զբաղվողներին՝ 1 հեկտարի դիմաց 3 000 000 դրամ (1 քառակուսի մետրի դիմաց՝ 300 դրամ) անհատույց ֆինանսական աջակցություն: Առանց ժամանակակից տեխնոլոգիաների կիրառման ջերմատնային տնտեսության կառուցման դեպքում 1 քառակուսի մետրի դիմաց կտրամադրվի 8 000 դրամ աջակցության, իսկ ժամանակակից տեխնոլոգիաներով հագեցված ջերմատնային տնտեսության կառուցման դեպքում` 1 քառակուսի մետրի դիմաց 22 000 դրամ աջակցության: |
«Արցախի Հանրապետությունում ջերմատնային տնտեսությունների զարգացման ծրագրի» շրջանակում ԱՀ գյուղատնտեսության նախարարի ստեղծած հանձնաժողովը, գլխավորությամբ հանձնաժողովի նախագահ Արամ Բադալյանի, մարտի 18-ից առայսօր հանրապետությունում իրականացնում է ջերմոցային տնտեսությունների ուսումնասիրության և չափագրման աշխատանքներ՝ պետական աջակցության տրամադրման նպատակով:
