Աշոտ Բախշիյանի շնորհավորական ուղերձը Արցախի անկախության տոնի կապակցությամբ
02/09/2020
«Հարգելի՛ հայրենիկիցներ, ի սրտե շնորհավորու՜մ եմ բոլորիս Արցախի Հանրապետության անկախության հռչակման 29-րդ տարեդարձի առթիվ:
Անկախության հռչակագրով դրվեց Արցախի պետականաշինության հիմքը: Այսօր ուզում եմ երախտագիտությամբ վերստին հիշենք բոլոր նրանց, ովքեր ձևավորեցին մեր պետականությունը, ովքեր հանուն նրա զոհաբերեցին իրենց կյանքն ու առողջությունը: Այդ զոհողությունների արժանի պատասխանը մեր կողմից պետք է լինի հզոր ու բարգավաճ երկրի ու պետության կերտումը:
Մեջբերելով ֆրանսիական մեծ փիլիսոփա, գրող Ժան-Ժակ Ռուսոյի՝ օրվա խորհրդին համարժեք խոսքերը. «Պետությունն անկախ պահելու միակ միջոցը՝ դա գյուղատնտեսությունն է: Եթե դուք տիրեք աշխարհի բոլոր գանձերին, բայց սնունդ չունենաք՝ դուք անկախ չեք լինի…Առևտուրը հարստություն է ստեղծում, բայց գյուղատնտեսությունն ապահովում է ձեր ազատությունը», ցանկանում եմ, որ բոլորս գիտակցենք զարգացած գյուղատնտեսության դերն ու նշանակությունը և ջանք ու եռանդ չխնայնեք՝ մեր երազած արդյունքներին հասնելու նպատակով:
Խաղաղություն, բարեկեցություն և հաստատուն հավատ ապագայի հանդեպ մեզ բոլորիս»:
