Աշոտ Բախշիյանը Երևանում է. աջակցության ծրագրերի փաթեթի շնորհանդեսը CARD Agroservice ընկերությունում
08/09/2020
Սեպտեմբերի 8-ին ԱՀ գյուղատնտեսության նախարար Աշոտ Բախշիյանը Երևանում CARD Agroservice ընկերության թիմին է ներկայացրել գյուղատնտեսության ոլորտում աջակցության նոր կարգերն՝ ուղղված անասնաբուծության, բուսաբուծության և ոռոգման բնագավառներում արմատական փոփոխությունների իրագործմանն ու թռիչքային զարգացման ապահովմանը:
Ծրագրի քննարկումն ընթացել է կառուցողական մթնոլորտում, հնչել են առաջարկություններ ու կարծիքներ՝ ծրագրերի կյանքի կոչման ընթացքում համագործակցության եզրերի ընդլայնման վերբերյալ: Մասնավորապես, խոսվել է CARD-ի ներկայացուցիչների ներգրավմամբ՝ արցախցի տնտեսավարողների համար թրեյնինգների և դասընթացների կազմակերպման մասին: Նախարարը նշել է, որ չափազանց բարձր է գնահատում ԱՀ գյուղատնտեսության նախարարության երկար տարիների համագործակցությունը CARD Agroservice ընկերության հետ և հույս հայտնել, որ առաջիկայում այն կխորանա և կդառնա առավել արդյունավետ:
Քննարկմանը մասնակցել է նախարարի տեղակալ Ջիվան Հայրապետյանը:
