|
Եղանակի տեսությունը  |
ԱՀ ԷԳՆ ՍԱՇՍՇՊ պետական ծառայության վերահսկողական գործունեության արդյունքները առ 01.10.2021 թ.
05/10/2021  ԱՀ ԷԳՆ սննդամթերքի անվտանգության, շուկայի և սպառողների շահերի պաշտպանության պետական ծառայության մասնագետները սեպտեմբերի 16-30-ը ներառյալ հանրապետության տարածքում ստուգումներ են անցկացրել թվով 7 տնտեսվարող սուբյեկտների մոտ, որոնց արդյունքում խախտումներ չեն արձանագրվել: Նշված ժամանակահատվածում դիտարկումներ են իրականացվել թվով 21 տնտեսավարող սուբյեկտների մոտ, որոնց արդյունքում արձանագրվել է հետևյալը.սննդի շղթայում ներգրավված անձանց ԱՀ օրենսդրությամբ ներկայացվող պահանջների համապատասխանության խախտումներ են արձանագրվել թվով 10 տնտեսավարող սուբյեկտների մոտ, որոնց տրվել են հանձնարարականներ և սահմանվել ժամկետներ՝ թույլ տված խախտումները վերացնելու համար:
Նույն ժամանակահատվածում իրականացվել է թվով 6 ուսումնամեթոդական շրջայց՝ 40 տնտեսավարող սուբյեկտների մոտ:
Կատարված վերահսկողական աշխատանքների ընթացքում իրականացվել են միրգ-բանջարեղենում առկա նիտրատների առավելագույն մնացորդային քանակների չափումներ և հայտնաբերվել ժամկետանց ապրանքներ:
Կատարված չափումներից պարզ է դարձել, որ միրգ-բանջարեղենում նիտրատների քանակները համապատասխանում են կառավարության կողմից սահմանված նորմերին: Ընդամենը կատարվել է 4220 կգ միրգ-բանջարեղենի նիտրատների առավելագույն մնացորդային քանակների չափումներ, որից կարտոֆիլ՝ 1430 կգ, լոլիկ՝ 1350 կգ, վարունգ՝ 1000 կգ, ձմերուկ՝ 30 կգ, խաղող՝ 410 կգ:
Հայտնաբերված ժամկետանց ապրանքատեսակները կազմում են, ընդամենը, 112.48 կգ, որից մսամթերք՝ 34.6 կգ, կաթնամթերք` 32.1 կգ, քաղցրավենիք` 30.867 այլ ապրանքատեսակներ՝ 45.78 կգ: Դրանք, տնտեսավարող սուբյեկտների ներկայությամբ և համաձայնությամբ, վերացվել են տեղում:
|
