|
Ամենօրյա  |
ԱՀ ԳՆ սննդամթերքի անվտանգության պետական ծառայությունը ամփոփել է վերջին օրերի գործունեության արդյունքները
01/04/2022  ԱՀ ԳՆ կառավարման ոլորտում գործող սննդամթերքի անվտանգության պետական ծառայության կողմից մարտի 16-31-ն ընկած ժամանակահատվածում հանրապետության տարածքում դիտարկումներ են իրականացվել թվով 35 տնտեսավարող սուբյեկտների մոտ: Արդյունքում, սննդի շղթայում ներգրավված անձանց՝ ԱՀ օրենսդրությամբ ներկայացվող պահանջների համապատասխանության խախտումներ չեն արձանագրվել 6 տնտեսավարող սուբյեկտների մոտ: Մնացած խախտում թույլ տված տնտեսավարող սուբյեկտներին տրվել են հանձնարարականներ և սահմանվել ժամկետներ՝ թույլ տրված խախտումները վերացնելու համար:Նույն ժամանակահատվածում ծառայության մասնագետները Ստեփանակերտ քաղաքում իրականացրել են թվով 9 ուսումնամեթոդական շրջայցեր՝ 110 տնտեսավարող սուբյեկտների (իրացման կազմակերպություններ) և շրջիկ առևտրով զբաղվող 1 տնտեսավարող սուբյեկտի մոտ:
Շրջայցի ընթացքում տնտեսավարող սուբյեկտների հետ տարվել են բացատրական աշխատանքներ և իրականացվել հսկողություն՝ օրենսդրական դաշտով ամրագրված պահանջների կատարման նկատմամբ:
Նշված ժամանակահատվածում կատարած վերահսկողական աշխատանքների ընթացքում իրականացվել են միրգ-բանջարեղենում առկա նիտրատների առավելագույն մնացորդային քանակների չափումներ: Արդյունքում, պարզվել է, որ միրգ-բանջարեղենում նիտրատները համապատասխանում են կառավարության կողմից սահմանված նորմերին:
Ծառայության աշխատակազմի մասնագետների կողմից կատարված վերահսկողական աշխատանքների արդյունքում հայտնաբերվել և տնտեսավարողների համաձայնությամբ տեղում ոչնչացվել են հետևյալ ժամկետանց ապրանքատեսակները. մսամթերք՝ 1.83 կգ և այլ ապրանքներ՝ 1.520 կգ:
|
