ԱՀ ԳՆ կառավարման ոլորտում գործող սննդամթերքի անվտանգության պետական ծառայության կողմից մարտի 1-15-ն ընկած ժամանակահատվածում հանրապետության տարածքում դիտարկումներ են իրականացվել թվով 24 տնտեսավարող սուբյեկտների մոտ:

Ստեփանակերտ քաղաքում իրականացրել են թվով 8 ուսումնամեթոդական շրջայցեր՝ 149 տնտեսավարող սուբյեկտների մոտ (իրացման կազմակերպություններ` 144, հացի արտադրության կազմակերպություն` 1, հանրային սննդի կազմակերպություններ` 2, մանկապարտեզ և շրջիկ առևտրով զբաղվող տնտեսավարող սուբյեկտներ՝ 2), որոնց ընթացքում վերջիններիս հետ տարվել են բացատրական աշխատանքներ և իրականացվել հսկողություն՝ օրենսդրական դաշտով ամրագրված պահանջների կատարման նկատմամբ:

Իրականացվել են միրգ-բանջարեղենում առկա նիտրատների առավելագույն մնացորդային քանակների չափումներ: Արդյունքում, պարզ է դարձել, որ միրգ-բանջարեղենում նիտրատները համապատասխանում են կառավարության կողմից սահմանված նորմերին:

Վերահսկողական աշխատանքների արդյունքում հայտնաբերվել և տնտեսավարողների համաձայնությամբ տեղում ոչնչացվել են հետևյալ ժամկետանց ապրանքատեսակները. մսամթերք` 32.53 կգ, կաթնամթերք`       4.300 կգ, հյութեր` 84.98 լ և այլ ապրանքներ՝ 36.936 կգ:

Սպառողների իրավունքների պաշտպանության միջազգային օրվա կապակցությամբ մարտի 14-15-ն ընկած ժամանակահատվածում ԱՀ ԳՆ սննդամթերքի անվտանգության պետական ծառայության մասնագետների կողմից Ստեփանակերտում և հանրապետության շրջաններում իրականացվել են 3 ուսումնամեթոդական շրջայցեր՝ 90 իրացման կազմակերպություններում, 4 հանրային սննդի կազմակերպություններում և 13 հավի մասնագիտացված խանութներում, որոնց ընթացքում տնտեսավարող սուբյեկտները ծանոթացել են սպառողների իրավունքներին:

ՍԱՊԾ ներկայացուցիչների կողմից ցուցապաստառներ են ամրացվել խանութների երևացող մասերում` խախտումների ահազանգման վերաբերյալ և բաժանվել իրազեկման բուկլետներ: