|
Եղանակի տեսությունը  |
ԱՀ գյուղնախարարը հանդիպել է բուսաբուծության ոլորտում տնտեսավարող սուբյեկտների հետ
18/01/2023  Հունվարի 18-ին ԱՀ գյուղատնտեսության նախաարար Հրանտ Սաֆարյանը հանդիպել է բուսաբուծության ոլորտում տնտեսավարող մի շարք սուբյեկտների հետ:Նախարարը նախ անդրադարձել է ստեղծված իրավիճակում, եղած հնարավորությունների սահմաններում, գյուղատնտեսական աշխատանքների իրականացման անհարաժեշտությանը՝ նշելով, որ կառավարությունը որոշ հարցերում կցուցաբերի համապատասխան օժանդակություն, ապա լսել ներկաների հարցերն ու առաջարկությունները:
Շրջափակման պայմաններում բուսաբուծության ոլորտում տնտեսավարողներին հուզող հիմնական խնդիրներն են՝ դիզվառելիքի անբավարար քանակն ու ջերմոցների կահավորման համար անհրաժեշտ նյութատեխնիկական բազայի բացակայությունը:
Առաջարկություններ են հնչել ոլորտում գործող աջակցության ծրագրերի որոշ կետերի վերանայման ուղղությամբ, շրջաններում և համայնքներում գրագետ գյուղատնտեսների խորհրդատվական ծառայությունների մշտական հասանելիության անհրաժեշտության, չջեռուցվող ջերմոցները պետական աջակցությամբ ջեռուցվող դարձնելու վերաբերյալ:
Հրանտ Սաֆարյանը հավաստիացրել է, որ բոլոր առաջարկությունները հանգամանորեն կքննարկվեն և հնարավորության դեպքում դրանց կտրվեն դրական լուծումներ:
|
