Մարտի 9-ին և 10-ին ԱՀ գյուղատնտեսության նախարարությունում կայացել է անասնաբուծության և անասնաբուժության վարչության ու բուսաբուծության և բույսերի պաշտպանության վարչության՝ 2021 թվականին իրականացրած ծրագրերի քննարկում-վերլուծություն՝ աշխատակազմի ներկայացուցիչների մասնակցությամբ:

    2 ստորաբաժանաումների ղեկավարները՝ Ռադիկ Գևորգյանն ու Արամ Բադալյանը, հանգամանորեն, շնորհանդեսի տեսքով, լսարանին են ներկայացրել անցած տարվա ընթացքում իրականացված ծրագրերի, դրանցից բխող միջոցառումների ողջ ընթացքն ու արդյունքները, մատնանշել դրանց առավելություններն ու թերությունները:

      «Քննարկումների կազմակերպման նպատակը կայանում է նրանում, որպեսզի առաջիկա մեր քայլերի մեջ հաշվի առնենք նախկինում թույլ տված թերությունները, շտկենք դրանք ու բարձրացնենք մեր ծրագրերի արդյունավետությունը»,- նշել է գյուղատնտեսության նախարարը:

Քննարկումների ընթացքում ստորաբաժանումների ղեկավարները պատասխանել են ներկաների հարցերին՝ տալով լրացուցիչ պարզաբանումներ: